Su Gazetinu, mèrcuris 15 de maju de su 2024

S’Ìsula otenet 15 Banderas Biaitas – Sunt 15 is Banderas Biaitas conchistadas ocannu dae sa Sardigna, reconnoschimentu chi tzertìficat sa calidade de is logos de costera e de is lagos de Itàlia.

In Sardigna ant premiadu Badesi, Casteddu Sardu, Sossu, Tàtari, Lungoni, Santu Franciscu di L’Aglientu, La Trinitai e Vignola, Madalena, Lu Palau, Budune in provìntzia de Tàtari; Tortolì e Barì in provìntzia de Nùgoro; Cuartu Sant’Aleni, Sant’Antiogu in provìntzia de Casteddu; Turre Manna, borgata de Aristanis.

Sa giuria at pigadu in cunsideru sa calidade de s’abba, is servìtzios ofertos, sa gestione e is fainas de educatzione ambientale: is informos in contu de is ecosistemas de su logu, sa natura chi si-ddoe agatat, sa mapa de sa praja e is logos de sa cultura.

Is critèrios in contu de sa calidade de s’abba sunt cussos prus crispos e presentant is resurtados de is campionamentos fatos, pro averiguare si respetant o nono is Diretivas in contu de su tratamentu de s’abba de is iscàrrigos. Sa praja, imbetzes, depet respetare unos cantos paràmetros microbiològicos.

Intra de is àteros paràmetros ddoe sunt is informos in contu de