Su Gazetinu, mèrcuris 10 de abrile de su 2024

Presidente, assessores e consigieris regionales giurant in Consìgiu – Cun s’aposentamentu de su Consìgiu regionale, eris at incarreradu sa de XVII legisladuras, a unu mese e mesu dae is eletziones bintas dae su Campu largu. Sa prima setziada in s’àula casteddaja de bia de Roma dd’at ghiada su consigieri prus antzianu, Lorenzo Cozzolino, de su Psi.

A primìtzios ant giuradu sa presidente de sa Regione, Alessandra Todde, is consigieris elègidos e is assessores nominados dae sa guvernadora.
Sa setziada, a pustis, at sighidu cun s’eletzione de su presidente de su Consìgiu. In sa de tres votatziones ant elèghidu a su segretàriu de su Partidu Democràticu Piero Comandini, cun 42 preferèntzias, duncas una pariga de votos lòmpidos fintzas dae sa minoria.

Geòlogu e dipendente de Arpas Sardigna, Comandini est a sa de tres legisladuras. In sa presidèntzia de su Consìgiu benit in fatu de Michele Pais, de sa Lega. Emotzionadu meda, su rapresentante de su PD a torradu gràtzias a totu s’àula pro sa fidàntzia otenta e at fatu un’apellu a is cumpàngios consigieris: “In custu momentu depimus fàghere totus impare is reformas chi serbint a is sardos. Aberimus una simana costituente,