Su Gazetinu, martis 14 de maju de su 2024

Tocat de donare atentu a is tramperis – De is proas de trampa in lìnia a dannu de tzitadinos e impresas oramai si-nde intendet onni die: intra de mail, intimas e pàginas Internet farsas, a dolu mannu est semper prus difìtzile a non nche rùere. Pro cussu Poste Italiane at publicadu unos cantos cussìgios utilosos.

Sa sienda e is bancas non pregontant mai is datos riservados, comente a su nùmene de s’utèntzia, sa password e còdighes de seguresa cun e-mail, sms, chat social network e operadores de is tzentros telefònicos, e pro resone peruna.

Si calicunu, mancari si presentet comente a unu dipendente de sa sienda o a unu rapresentante de is Fortzas de s’òrdine, bos pregontat custos informos, de seguru est unu tramperi, duncas non tocat a ddos dare a nemos.

In prus, nemos domandat pagamentas de genia peruna cun s’iscusa de problemas de seguresa in su contu o in sa carta, nen cun inditos dados cun su telèfonu dae gente chi narat de èssere dipendente de sa Posta o unu rapresentante de is Fortzas de s’òrdine, chi consìgiant de andare a sa Posta o a s’isportellu