Su Gazetinu

Aristanis, annuddada sa bìsita de su ministru – Sa bìsita de su ministru de is Èsteros Di Maio e
de su sutasegretàriu a is Internos Sibilia annuntziada pro oe e dedicada a sa chistione de
s’emergèntzia de su fogu non si faghet prus. S’istadu de allerta pro sa basca meda at cunsigiadu de
transire sa bìsita a un’àtera data.

Sanidade – Pro sa defensa de sa sanidade de su Tzentru de Sardigna e de su Mandrolisai ant
cuncordadu un’àtera manifestatzione de chèscia, chi s’est fata in Nùgoro. E, semper pro sa matessi
resone, su mese chi intrat s’at a fàghere un’àtera initziativa sìmile in Sòrgono.

Fogu in Marmidda Arta e in su Grìghini – Fintzas is sìndigos de Useddus, Bàini e Biddobrana
domandant a is autoridades de guvernu un’atentu particulare pro su fogu chi at brusiadu agiomai
1700 ètaros intra de Marmidda Arta e Grìghini, ingendrende dannos mannos. S’Unione de is
Comunes de sa Marmidda Arta at giai deliberadu unu primu finantziamentu urgente, pro agiudare is
siendas chi ant tentu dannu.

Biddobrana, sìndigu positivu a sa Covid-19 – Su sìndigu de Biddobrana Paolo Pireddu est
resurtadu positivu a su Coronavirus. Dd’at fatu a ischire issu etotu, narende chi in Biddobrana non
ddoe sunt àteras positividades.

Antoni Nàtziu Garau 
—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.