Su Gazetinu, sàbadu 27 de onniasantu de su 2021

Aristanis, manifestatzione contras de sa violèntzia a is fèminas – “Caminada e currera in colore de rosa” cras in Aristanis pro espressare unu messàgiu contras de sa violèntzia a is fèminas e pro agiudare su Tzentru antiviolèntzia Donna Eleonora. Is iscritziones si retzint in sa Pro Loco de Aristanis (telèfonu 0783 70621). Su contributu de iscritzione, 5 èuros, at a serbire pro su Tzentru antiviolèntzia. Is chi ddoe pigant parte ant a pòdere pònnere sa firma issoro in unu lentzolu biancu, pro lassare una testimonia.

A is primos 300 iscritos ddis ant a dare sa màllia ufitziale de sa manifestatzione. Sa currera e sa caminada ant a mòvere dae pratza de Lionora e ant a agabbare in cue etotu. Su cumentzu est a is 10.30. Su tretu de sa caminada at a èssere de 3.5 chilòmetros, su de sa currera at a èssere imbetzes de 7 chilòmetros. Si faghet tempus malu, sa manifestatzione dd’ant a transire a un’àtera die.

Sa manifestatzione “S’atrivimentu de is fèminas – Caminada e currera in colore de rosa” cuncordada dae s’Assessoradu comunale de s’Isport, faghet parte de su programma de addòbios contivigiados paris cun is Assessorados de is Atividades produsidoras, de sa
Cultura e de is Servìtzios sotziales e si balet de sa collaboratzione de su CONI, de sa Pro Loco, de sa Consulta de is Giòvanos, de su Rotary Club Aristanis e de s’agiudu de su grupu Vicinoate, cadena de supermercados de sa famìllia Frongia, e de s’isponsor tècnicu Eye.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.