Su Gazetinu

Su Gazetinu, sàbadu 13 de onniasantu de su 2021

Mustra regionale de bacas pro late – A pustis de agiomai duos annos de firmada pro more de s’emergèntzia de su Coronavirus, torrat a abèrrere in su Tzentru fierìsticu de Arborea sa Mustra regionale de is bacas pro late, cun un’editzione de atòngiu. Is datas de marcare in su calendàriu sunt cussas de su 19 e de su 20 de onniasantu.

In su cuncursu ant a fàghere a trivas 11 siendas, cun 109 pegos totus de genia Frisona italiana. Sa manifestatzione, cuncordada dae s’Assòtziu natzionale de is allevadores de sa Frisona italiana, de sa Moresina e de sa Jersey, dae s’Assòtziu de is allevadores de sa Regione
Sardigna e dae su Comune de Arborea, cun s’agiudu econòmicu de sa Regione Sardigna, est lòmpida a sa de 37 editziones.

Matigheddas de olia noas in Cùglieri – Istudiantes, voluntàrios, amministradores locales, autoridades provintziales: totus impare in Cùglieri pro “Pone una mata, est una faina de amore”, su progetu ambientale promòvidu dae Sardigna Solidale a manos de pare cun s’Agentzia Forestas. Ant prantadu chentu matigheddas noas, in sa periferia de sa bidda.

A pustis, totus is chi ddoe ant pigadu parte si sunt agatados in su Seminàriu, in ue ant cuncordadu unu dibatu pro regordare is fainas de Sardigna Solidale in favore de is populatziones interessadas dae su fogu.

In Cùglieri ddoe fiant presentes fintzas su prefetu e su cuestore de Aristanis, Fabrizio Stelo e Giuseppe Giardina: issos puru ant chertu fàghere testimonia de sa presèntzia de is istitutziones e ant prantadu una matighedda pesada in is vivàios de Forestas. Su progetu “Pone una mata, est una faina de amore” punnat a prantare in totu chimbe mìgia matigheddas in is cussòrgias de Sardigna passadas in fogu.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.