Su Gazetinu OK

Su Gazetinu, mèrcuris 6 de trìulas de su 2022

S’Àrdia de Sèdilo. Oramai est totu prontu pro custu merie cando – a pustis de duos annos de firmada pro more de sa pandemia – caddos e cadderis ant a èssere torra protagonistas a inghìriu de sa crèsia de sartu de Santu Antinu.

Sa cambarada de cadderis dd’at a ghiare sa prima pandela Mario Chessa, paris cun sa de duas pandelas Giovanni Pes e cun sa de tres Michele Depalmas.

Sa manifestatzione ammajadora s’abbiatzat a is ses, cando in pratza de Santu Giuanne s’ant a cunsignare Is Pandelas. A is ses e mesu si curret s’Àrdia, chi dd’ant a cumpangiare is fusileris de Sèdilo e sa banda musicale de Muristene.

A is deghe e mesu de note, in pratza de s’Ena, ddoe at a èssere su cuntzertu de is Istentales.

Cras su ritu si faghet a mangianu. a is sete e mesu, in pratza de Santu Giuanne, ant a cunsinnare Is Pandelas e, a is oto, ant a currere s’Àrdia, acumpangiada dae is fusileris de Sèdilo e dae sa banda musicale de Abas.

A merie, a is ses e mesu, in crèsia, ddoe ant a èssere is vèsperos solennes e at a mòvere sa prufessone de Santu Antinu, chi at a passare peri is bias de sa bidda, acumpangiada dae s’assòtziu musicale Launeddas de su Sinis.

A is deghe e mesu de note, in pratza de s’Ena, ddoe at a èssere su cuntzertu de Mr Rain, Special guest Sina.

Is ufìtzios de su Comune ant apostivigadu su regulamentu pro is bias e is proibimentos, comente s’est istabilèssidu in s’addòbiu de su Comitadu provintziale pro s’òrdine e sa seguresa pùblica, ghiadu dae su prefetu Fabrizio Stelo.

In custas dies de festa is bisitadores ant a pòdere lassare sa màchina in is logos cuncordados dae s’Assòtziu Santu Antinu, chi ghetat una manu de agiudu a sa parròchia de Santu Giuanne Batista in s’aparitzu de sa manifestatzione.

Un’ordinàntzia proibit in custas dies de lassare sa màchina in is bias cara a sa crèsia de Santu Antinu. Firmada de màchina proibida fintzas in sa bia de Su Pranu. Is màchinas chi s’ant a agatare parchegiadas in custas bias nde-ddas ant a pigare a fortza.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.