Su Gazetinu

Mèrcuris, 4 de austu de su 2021

Santa Justa, iscrucullos – Is Carabineris de su RIS de Casteddu sunt torrados eris a
Santa Justa pro fàghere àteras averiguaduras iscientìficas in sa domo in ue sàbadu a
mangianu ant agatadu a Ignazio Manca, 57 annos, mortu, in una lacuedda de sàmbene
cosa sua etotu. Is Carabineris ant fatu averiguaduras fintzas in domo de su frade Carmine,
indagadu dae sa Procura de Aristanis cun s’imputu de omitzìdiu. Sa domo sua est a subra
de cussa de su mortu. Defensadu dae s’abogadu Simone Prevete, Carmine Manca at
decraradu de non ddoe intrare nudda cun sa morte de su frade e at refudadu custu imputu
malu.

Violèntzia, arrestadu – A un’òmine de 42 annos de Aristanis, chi is giùighes de su
Tribunale de Aristanis dd’ant imputadu unos cantos acontèssidos de violèntzia in famìllia
in is cunfrontos de sa ex cumpàngia e de is fìgios chi biviant cun issu, dd’at arrestadu sa
Politzia a pustis chi sa Corte de Apellu e sa Corte Soberana de Cassatzione ant
iscurcurigadu is recursos de s’abogadu suo. At a dèpere fàghere bator annos e oto meses
de impresonamentu. A s’òmine nche dd’ant acumpangiadu a su presone de Màssama.

Sartilliedda – Mudat sa data de sa Sartilliedda de istadiale de Turri Manna. Sa
manifestatzione de is cadderis piticheddos non s’at a fàghere prus s’8 de austu, comente
aiant prevìdidu a primìtzios. Sa data dd’ant transida prus a in antis: si pensat a domìnigu
22 de austu.

Antoni Nàtziu Garau

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.