Su Gazetinu, mèrcuris 16 de nadale de su 2021

Si torrat a fàghere ocannu puru in Aristanis sa faina de bonucoro cuncordada dae su Siulp, su Sindacadu Unitàriu de is Traballadores de Politzia. Sàbadu chi benit in tzitade s’at a torrare a propònnere sa regorta de bonucoro “Unu risitu pro unu pipiu”, fata a manos de pare cun s’assòtziu “Is Fèminas Bellas” e cun su Comitadu pro su deretu a sa salude de Aristanis. Est una regorta chi at a andare in favore de chimbanta pipios e pitzocheddos acasagiados in duas domos-famìllia de sa provìntzia de Aristanis.

Su segretàriu Giuseppe Caracciolo, paris cun àteros collegas de su sindacadu e cun unos cantos voluntàrios de is assòtzios, at a abbiatzare is paradas cuncordadas in pratza de Roma e in su Tzentru cummertziale “Porta Noa”, acanta de s’intrada de su Logu Conad.

Dae is deghe de mangianu a is sete de merie in su tzentru de Aristanis e dae is noe de mangianu a is noe de merie in su Tzentru cummertziale de bia de Casteddu totu cussos chi bolent agiudare a regalare una Paschighedda prus bella a is pipios e a is pitzocheddos acasagiados in is domos-famìllia, dd’ant a pòdere fàghere.

Si podent donare bestimenta, giogos, gioghitos, mègius si sunt noos (pro chistiones de igiene), ma si podent fàghere fintzas donatziones in dinari pro comporare materiale informàticu chi serbit pro s’imparòngiu a distàntzia.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.