Su Gazetinu, mèrcuris 16 de làmpadas de su 2021

Su Gazetinu

Esàmene de maturidade pro milli istudiantes aristanesos – Sunt unos milli is istudiantes impignados dae oe in is istitutos superiores aristanesos cun is esàmenes de maturidade. Is proas, ancoras cunditzionadas dae s’emergèntzia de su Coronavirus, si faghent comente a cuddas de ocannu passadu e prevident unu collòchiu in presèntzia e non a tretu, in videucunferèntzia.
Sa nova de ocannu est chi is iscolas non podent publicare is calendàrios de is collòchios: ònnia dischente at a retzire sa cunvocatzione in su registru eletrònicu. Sa pròpia cosa at a acontèssere pro is resurtados de s’esàmene, chi ddos ant a comunicare a s’agabbu de sa proa de totu is istudiantes de una classe.

Crabas, una bia o una pratza dedicada a is mortos pro sa màfia – In Crabas ant a intitulare una bia o una pratza pro regordare a is mortos pro more de sa màfia. Dd’at apostivigadu su Consìgiu comunale, chi at aprovadu sa motzione presentada dae sa consigiera de minoria Alessandra Lochi.

Fogu intra de Bosa e Montresta – Allarme e pistighìngiu mannu eris a merie in is sartos intra de Bosa e Montresta pro unu fogu chi at interessadu unu tretu de matedu mediterràneu. At tocadu a fàghere intervènnere duos elicòteros e iscuadras meda de istudadores lòmpidos dae totu sa Pianalza.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

L'articolo Su Gazetinu, mèrcuris 16 de làmpadas de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.

Sardegna News

Offerte di Lavoro in Sardegna

Sinnai Notizie

Pizzeria da Birillo

Radio Fusion