Su Gazetinu, lunis 24 de ghennàrgiu de su 2022

A intro de chenàbura is iscritziones pro is iscolas – Ùrtimas dies de tempus pro fàghere is iscritziones pro is iscolas superiores pro s’annu 2022/2023.

Fintzas a is oto de merie de chenàbura 28 de ghennàrgiu is mamas e is babbos ant a pòdere compilare e mandare sa domanda pro totu is classes primas de s’iscola primàrgia, segundària de primu e de segundu gradu istatales. Dd’ant a dèpere fàghere sighende a manera rigorosa sa protzedura in lìnia.

Ant a èssere in lìnia fintzas is iscritziones pro is caminos de istrutzione e formatzione professionale fatos in sussidiariedade dae is istitutos professionales e dae is tzentros de formatzione professionale acreditados dae is Regiones chi, a manera voluntària, pigant parte a sa protzedura telemàtica.

Su de fàghere s’iscritzione in lìnia no est de òbligu pro is iscolas che a pare, segundu su chi at fatu a ischire su Ministeru de s’Istrutzione.

Pro pòdere fàghere is iscritziones tocat a tènnere s’identidade digitale: at a fàghere a intrare a su sistema impreende is credentziales SPID (Sistema Pùblicu de Identidade Digitale), CIE (Carta de identidade eletrònica) o eIDAS (electronic IDentification Authentication and Signature).

Pro connòschere ònnia iscola e s’oferta issoro faghet a bisitare su portale “Iscola a craru”, postu a disponimentu dae su Ministeru de s’Istrutzione pro dare informos in contu de ònnia istitutu.

Su Ministeru at cuncordadu fintzas un’ischeda de informu in contu de is iscritziones in lìnia
https://www.istruzione.it/iscrizionionline/, cun totu is particulares, is crarimentos e is vìdeos acraradores, pro ghiare a is utentes passu cun passu in totu is momentos de sa protzedura.

Is iscolas de sa provìntzia de Aristanis in custas dies sunt a disponimentu pro bìsitas in presèntzia o virtuales, pro fàghere a connòschere s’oferta de formatzione e su frunimentu de is iscolas.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.