Su Gazetinu, lunis 22 de onniasantu de su 2021

Is matas noas chi ant a fàghere torrare a nàschere su Monteferru e sa Pianalza – Ddoe fiant fintzas pipios meda, immàgine de su cras, de su benidore, prantende is matigheddas noas de olia chi ant a fàghere torrare a nàschere su Monteferru e sa Pianalza degolliados s’istadiale passadu dae su fogu mannu chi at semenadu dannos, dolore e tristura. Una festa de is matas particulare cussa de eris, a pustis de una die de dibatos in ue nd’est essidu a campu su bonucoro de gente meda chi est agiudende custu territòriu in sufrimentu. Cuncordadu dae s’Assòtziu Monteferru, s’addòbiu de Cùglieri at postu paris a espertos, amministradores e voluntàrios. Est istadu unu cunfrontu de importu, in ue s’est meledadu in contu de su chi est acontèssidu e chi est serbidu pro pintare is bias chi ant a permìtere a su Monteferru e a sa Pianalza de si torrare a abbiatzare.

“Solu ponende paris is fortzas is comunidades nostras ant a pòdere torrare a mòvere e is istitutziones pùblicas depent agiudare is progetos chi bolent investire in sa mòvida noa”, at decraradu Pier Paolo Arca, presidente de s’Assòtziu Monteferru. Sìndigos a amministradores si sunt decrarados de acòrdiu, aici etotu comente is rapresentantes de is assòtzios e de is entes presentes. Una voluntade de collaboratzione chi at a serbire a favorèssere sa nàschida noa de s’ambiente e de s’economia de cussas biddas.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.