Su Gazetinu OK

Su Gazetinu, giòbia 6 de santugaine de su 2022

Sédilo si presentat a is bisitadores. Sàbadu 8 e domìnigu 9 de santugaine sunt in programma Ichnos e Zenias de Atonzu. Sa manifestatzione punnat a mustrare su ischire fàghere de sa bidda de su Guiltzier, nòdida prus che totu pro s’Àrdia.

Ricu meda su programma de fainas chi at a cumentzare sàbadu a mangianu cun sa presèntzia de s’autoemoteca de s’Avis locale pro sa regorta de su sàmbene e cun una filera de laboratòrios chi is assòtzios locales ant pensadu pro is classes de is iscolas de Sédilo.

Semper sàbadu, ma a merie, e pro totu sa die de domìnigu 9 de santugaine, in su tzentru istòricu ddoe at a àere paradas meda de enogastronomia, de artesania,de arte e de cultura.

In sa manifestatzione s’ant a pòdere bìere mustras, laboratòrios e presentadas de libros, s’ant a pòdere fàghere bìsitas ghiadas e àteras fainas ispassiosas chi nche ant a fàghere passare a is bisitadores una coa de chida praghile. No at a mancare sa mùsica. In sa manifestatzione Piero Marras at a cunsignare su Prèmiu pro su bonucoro 2022 a Paolo Fresu.

Ma in ocasione de Ichnos e Zenias de Atonzu s’at a cùrrere fintzas su Pàddiu de Guiltzier, in ue is cadderis ant a fàghere a trivas chirchende de bìnchere su prèmiu.

S’apuntamentu est pro domìnigu a mangianu, in s’iscurrigiadòrgiu comunale.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.