Su Gazetinu, giòbia, 4 de martzu de su 2021

Su Gazetinu

Simaghis, intzidente – Unu mototziclista s’est ingortu eris in un’intzidente acontèssidu in sa bia intra de Aristanis e Simaghis. Sa mototzicleta sua at atumbadu una vetura.

Aristanis, arrestadu – A unu disocupadu de trinta annos de Ollollai, Leonardo Ladu, dd’at arrestadu sa Politzia de Aristanis cun s’imputu de àere fatu s’isrobatòriu in sa filiale de Donigala de sa Banca de Arborea, acontèssidu su mese passadu. S’iscrucullu de sa Politzia pertocat fintzas a un’àteru òmine de Ollollai.

Vatzinos – Chida chi benit at a mòvere sa vatzinatzione de is aristanesos chi tenent prus de otanta annos. Ddos at tzerriare s’Assl. Su sìndigu Andrea Lutzu at asseguradu s’agiudu de su Comune.

Palestras e piscinas – Is palestras e is piscinas de sa Sardigna, serradas pro more de s’emergèntzia de sa Covid-19, diant pòdere torrare a abèrrere chida chi benit. Dd’at fatu a ischire su presidente de sa Regione, Christian Solinas.

Tzìnema – Mancari su ministru Franceschini apat annuntziadu s’abertura torra de tzìnemas e teatros, is multisalas Ariston de Aristanis e Movies de Santa Justa ant a abarrare serradas. Is meres ant naradu chi non ddoe sunt film in programmatzione.

Santa Justa, pisitos mortos – Pistighìngiu in Santa Justa pro s’avelenamentu de unu pisitu, a pustis de àteros gatos mortos in is chidas passadas in sa pròpia manera. Immoe s’at a presentare una denùntzia a is fortzas de s’òrdine.

Giòbia, 4 de martzu de su 2021

L'articolo Su Gazetinu, giòbia, 4 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.