Su Gazetinu, giòbia 11 de onniasantu de su 2021

Còdighe de sa bia – Est in vigèntzia sa reforma de su Còdighe de sa bia, cun sa publicatzione de su decretu de is Infrastruturas in sa Gazeta Ufitziale. Is novas sunt in unos 40 artìculos, chi pertocant, intra de is àteras cosas, contraventziones, parchègios, fògiu in colore de rosa, passadòrgios a livellu ma fintzas monopàtinos e publitzidades sessistas.

Ddoe sunt règulas prus crispas pro is monopàtinos elètricos, chi cumentzant a prènere fintzas is bias aristanesas. Ant istabilèssidu una làcana de velotzidade: 6 chilòmetros a s’ora in is tretos pedonales e 20 in is àteros logos. Intra de is proibimentos, sa firmada in is camineras a pee e sa tzirculatzione a manu traessa. Intra de is òbligos, is inditadores de diretzione e is frenos in ambas duas is rodas.

Àteros trastes tecnològicos, a prus de su telefoneddu, s’atzunghent a sa lista de cuddos proibidos cando si ghiat: sunt cuddos chi pro ddos manigiare tocat a nche istesiare mancari pro pagu tempus is manos dae su volante.

Creschent is contraventziones pro chie lassat sa vetura sua in is parchègios riservados a is disàbiles, sena de nde tènnere deretu. Addòpiant fintzas is contraventziones pro chie nche fùliat àliga o àteros ogetos dae sa vetura.

Dae ocannu chi benit is automobilistas disàbiles ant a pòdere parchegiare gratis in is parchègios marcados cun is tiras biaitas, s’in casu chi is parchègios aposta pro issos sunt ocupados.

Is veturas elètricas no s’ant a pòdere istentare in is colunneddas de càrriga prus de un’ora.

Si previdet su bonu pro sa patente, est a nàrrere unu contributu istatale pro agiudare a chie bolet otènnere su permissu de ghia. Addòpiat sa balididade de su fògiu in colore de rosa.

Peri is bias e in is mezos est proibida sa publitzidade cun contenutos sessistas o violentos, cun ideas de gènere chi ofendent o cun messàgios noghidores.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.