Su Gazetinu, giòbia 10 de làmpadas de su 2021

Su Gazetinu

Santeru, torrat s’abba bella a bufare in is borgatas de mare – Is borgatas marinas de Santeru, abitadas in s’istadiale dae mìgias e mìgias persones, ant a pòdere àere torra s’abba potàbile dae chida chi benit. Dd’at asseguradu su sìndigu de Santeru Luigi Tedeschi, chi at annuntziadu su retiru de s’ordinàntzia chi giai dae tempus meda aiat proibidu s’impreu de s’abba pro tareas alimentares. S’istadiale passadu su matessi problema aiat ingendradu istorbu mannu in is borgatas. Como su Comune at annoadu is impiantos ìdricos cun un’ispesa de agiomai 200 mìgia èuros.

Sèdilo, pibitziri – Su Comune de Sèdilo puru est interessadu dae sa pesta de su pibitziri chi amegat de interessare is cussòrgias de sa Sardigna de mesu. Su sìndigu Salvatore Pes at pigadu parte a una filera de addòbios istitutzionales pro agatare una solutzione a su problema. In s’interis si domandat a sa Regione un’agiudu econòmicu pro parare fronte a is dannos mannos ingendrados dae custu babballoti.

Aristanis, Còmporas a suta de is isteddos – In Aristanis si torrat a cuncordare sa manifestatzione “Còmporas a suta de is isteddos”. Dae martis 6 de trìulas e fintzas a Mesaustu ònnia sàbadu a merie is butegas ant a abarrare abertas fintzas a tardu, ddoe at a àere mùsica e ispetàculos e s’ant a pòdere visitare is museos. Su cuncordu ddu contivìgiat su Comune a manos de pare cun Confcummèrtziu. Ocannu però, a diferèntzia de is annos passados, sas bias de su tzentru ant a abarrare abertas a su tràficu.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

L'articolo Su Gazetinu, giòbia 10 de làmpadas de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.

Sardegna News

Offerte di Lavoro in Sardegna

Sinnai Notizie

Pizzeria da Birillo

Radio Fusion