Su Gazetinu, domìnigu 17 de santugaine de su 2021

Su coro “G.P. da Palestrina” de Crabas afestat is primos 50 annos – Chimbanta annos de fainas musicales de su coro “G.P. da Palestrina” de Crabas, chi custu merie ddos afestat cun unu cuntzertu, a is oto e mesu, in sa crèsia de Santa Maria de Crabas.

A su parcu ddoe ant a artziare fintzas unas cantas cambaradas musicales e musitzistas chi in custos annos ant collaboradu cun sa polifònica.

Sa polifònica ghiada dae maistru Giuseppe Erdas at a propònnere unos cantos càntigos de su connotu sardu, acumpangiada dae su pianoforte de Lorenzo Erdas.

A pustis at a cantare sa cambarada “Fenice”, grupu corale de càmera de su Cunservatòriu “G.P. da Palestrina” de Casteddu.

Gilda, dirigentes noos – Su sindacadu de s’iscola Gilda at elègidu sa diretzione interprovintziale noa de Aristanis-Nùgoro. Nde faghent parte fintzas bator aristanesos: Gianfranca Frau, comente a vitze-coordinadora interprovintziale, Pino Cìulu, Tonina Zanda e Maria Cristina Flore.

A un’àteru aristanesu, s’abogadu Robert Sanna, dd’ant elègidu presidente de su collègiu de is probiviros.

Antoni Nàtziu Garau

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.