Su Gazetinu, chenàbura 24 de nadale de su 2021

Emergèntzia pro su Coronavirus: règulas noas – S’abbassat a ses meses sa dura de su Lassapassare birde. Su disponimentu at a intrare in vigèntzia dae su 1 de freàrgiu de ocannu chi benit e faghet parte de sa filera de disponimentos apostivigados eris dae su Guvernu pro firmare sa mòvida noa de sa pandemia de Coronavirus.

Si previdet fintzas s’òbligu de is maschereddas in logu abertu.

Pro trasportos, addòbios, isport e mùsica ddoe est s’òbligu de si pònnere sa mascheredda Ffp2.

Proibidas is festas in logu abertu fintzas a su 31 de ghennàrgiu. Semper fintzas a su 31 de ghennàrgiu ant a abarrare serradas fintzas is discotecas e is salas de baddos.

Is disponimentos de su Guvernu ddos at annuntziados su ministru de sa Salude Roberto Speranza a s’agabbu de s’addòbiu de su Consìgiu de is ministros.

Su ministru de sa Salude in prus at fatu un’apellu pro sa prudèntzia e pro su respetu de is disponimentos pro firmare is impestos in custas festas de Paschighedda e de agabbu de annu.

Sutaliniadu fintzas su bisòngiu pro sighire cun sa vatzinatzione e pro fàghere sa de tres doses.

In s’interis, sa provìntzia de Aristanis at pèrdidu su primadu de èssere sa provìntzia cun prus pagos impestos in Sardigna. Dd’at tzertificadu sa Fundatzione Gimbe. In una chida su nùmeru de is positivos est addopiadu.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.