Su Gazetinu, chenàbura 19 de onniasantu de su 2021

Arborea, Fiera de s’agricultura – Is mègius allevamentos de bestiàmene bulu de sa Sardigna ant a èssere protagonistas in Arborea, in ue oe aberit sa Fiera de s’agricultura, chi ocannu passadu non si fiat pòdida fàghere pro more de sa pandemia de su Coronavirus. Casi semper sa Fiera si cuncordaiat in beranu o a primìtzios de s’istadiale, ma ocannu dd’ant dèpida aparitzare in atòngiu pro parare fronte a s’emergèntzia sanitària.

In sa de 37 editziones de sa Mustra regionale zootècnica dedicada a is pegus de ratza Frisona italiana si ddoe podent bìere unas chimbanta bacas.

Oe arribant is animales, chi bolent sistemados e identificados. Cras s’at a fàghere sa mustra de is animales e s’apretziamentu issoro. Domìnigu ancoras apretziamentos, is premiatziones e, in prus, su cuncursu pro is giòvanos.

Sa Fiera de s’agricultura de Arborea at a acasagiare fintzas sa mustra mercadu de is mezos, de is màchinas e de is àteros trastos pro s’agricultura, ma ddoe at a àere fintzas paradas cun produsimentos agroalimentares, artesanadu e cumponentìstica.

Sa Pro Loco de Arborea no at a fàghere mancare una parada pro s’acasagiamentu e su recreu de is bisitadores, cun unu servìtziu fintzas de màndigos de bia.

Sa Fiera de s’agricultura dda cuncordant s’Assòtziu de is pastores, su Comune e sa Pro Loco de Arborea, cun su patrotzìniu de s’Assessoradu regionale de s’Agricultura.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

 

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.