Su Gazetinu, 9 de martzu de su 2021

Su Gazetinu

Vatzinatziones – In provìntzia de Aristanis cumentzat oe sa vatzinatzione contras de su coronavirus de is chi tenent otanta annos o prus. Oe si cumentzat in Milis. Cras in Bauladu e in Aristanis. In sa tzitade de Lionora s’at a sighire in is dies imbenientes. Giòbia is vatzinatziones s’ant a fàghere in Tramatza e in Arborea. Inoghe s’at a sighire chenàbura puru, die in ue s’ant a pòdere vatzinare fintzas is antzianos de Tzeddiani. Sàbadu, in fines, at a tocare a is antzianos de Santeru.

Figc – Su presidente natzionale de sa Fgci Gabriele Gravina eris a merie at bisitadu su Tzentru federale de Sa Rodia, in Aristanis. Gravina at bantadu su Tzentru e at naradu chi ocannu sa natzionale de fùbalu at a torrare in Sardigna pro giogare una partida. Su presidente de sa Figc at fatu un’addòbiu fintzas cun su sìndigu de Aristanis, Andrea Lutzu, e cun s’assessora comunale de s’Isport, Maria Bonaria Zedda.

Consulentes – Eugenia Sequi est sa presidente noa de s’Òrdine de is consulentes de su traballu de sa provìntzia de Aristanis. Dd’ant a acostagiare su segretàriu Ivan Dessì, sa tesorera Stefania Cadelano e is consigieris Miriam Carboni (presidente betza) e Angela Fresi. Marco Pilloni, imbetzes, at a ghiare su Collègiu de is revisores de is contos, chi nde faghent parte fintzas Susanna Pinna e Claudia Lepori.

Martis, 9 de martzu de su 2021

L'articolo Su Gazetinu, 9 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.