Su Gazetinu, 9 de ghennàrgiu de su 2021

Su Gazetinu

Iscolas mannas serradas fintzas a su 31 de ghennàrgiu – In is iscolas superiores de Sardigna sa didàtica a tretu at a sighire fintzas a su 31 de ghennàrgiu imbeniente. L’at istabilèssidu cun un’ordinàntzia bogada eris a note su presidente de sa Regione Christian Solinas, chi at motivadu custu sèberu cun su sighire de s’emergèntzia coronavirus. Is istudiantes ant a pòdere torrare a iscola isceti pro fàghere fainas de laboratòriu chi non faghet a ddas fàghere dae domo.

Arribant àteros 420 vatzinos contras de su coronavirus – Eris a meritzeddu sa Assl de Aristanis at annuntziadu s’arribu de àteros 420 vatzinos. E aici at a sighire sa vatzinatzione de su personale sanitàriu. Fintzas is dentistas ant domandadu de ddu pòdere fàghere. Su sindacadu Anaao, imbetzes, s’est chesciadu pro su trèulu chi paret chi ddoe siat in s’ispidale in contu de is vatzinatziones, mentras s’Òrdine de is mèigos e su sindacadu Fimmg ant espressadu presu pro sa programmatzione de is vatzinos pro totu is mèigos de famìllia de sa provìntzia de Aristanis in is dies de oe e de cras.

Limba sarda, una chirca in Venètzia – A unu giòvanu de Zeddiani, Piergiorgio Mura, s’Universidade Ca Foscari di Venètzia dd’at incarrigadu de fàghere una chirca de importu in contu de sa limba sarda. At a dèpere iscrucullare su raportu chi tenent is pipios e is pitzocheddos de s’ìsula cun sa limba sarda. Prus a fine, at a dèpere averiguare si tenent o nono carchi pregiudìtziu linguìsticu in contu de sa limba istòricu identitària de Sardigna.

Sàbadu, 9 de ghennàrgiu de su 2021

L'articolo Su Gazetinu, 9 de ghennàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.