Su Gazetinu, 9 de freàrgiu de su 2021

Su Gazetinu

Trampa de su maiàrgiu – Dd’imputant fintzas su ricatu a su senegalesu arrestadu pro àere leadu in trampa a un’òmine de chimbanta annos de su Guiltzier furende-nde-ddi agiomai chentu mìgia èuros in tres meses. Dd’at fatu crèere de nde ddu pòdere iscabùllere dae sa malasorte gràtzias a s’interventu de unu maiàrgiu africanu. Su senegalesu arrestadu in Aristanis pro trampa no at rispostu a s’interrogu de su giùighe e abarrat in presone.

Santa Maria Pipiedda – S’Istitutu “Santa Maria Pipiedda” at a pòdere sighire s’assistèntzia pro is malàidos in coma ancoras pro un’àteru annu. Dd’at apostivigadu sa Regione. In s’Istitutu de su Remèdiu, in prus, at a abèrrere unu tzentru pro is malàidos de Alzheimer.

Mèigos – In provìntzia de Aristanis mancant a su mancus 150 mèigos. Servìtzios ambulatoriales e de ispidale sunt in arriscu de si firmare. Sa denùntzia dda faghet su Comitadu pro su deretu a sa salude.

Tràficu – S’intrada a Aristanis dae Silì dd’ant a serrare a su tràficu pro fàghere is traballos de acontzu de is bias in sa Pratza de is boes. S’ordinàntzia at a essire in custas dies.

Carabineris – Is Carabineris de su Cumandu provintziale de Aristanis ant annoadu s’impignu sotziale issoro cun un’àtera donatzione de sàmbene. Sa faina dd’ant cuncordada cun s’Avis e cun s’Assòtziu Thalassèmicos de Aristanis.

Martis, 9 de freàrgiu de su 2021

L'articolo Su Gazetinu, 9 de freàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.