Coronavirus – Impeorat s’emergèntzia in provìntzia de Aristanis

Su Gazetinu

Un’ordinàntzia noa de su sìndigu de Samugheo, Basilio Patta, perlongat sa serrada in sa bidda de su Mandrolisai, in ue su nùmeru de is positivos nche àrtziat a 160. Sa serrada de is iscolas dd’ant perlongada fintzas a lunis chi benit. S’ordinàntzia, in prus, apostìvigat pro is butegas su proibimentu de nche pigare sa cosa a domo e is cunsìnnias a domo, sa suspensione de su mercadu de ònnia chida e sa serrada de is atividades ligadas a is servìtzios a sa persone.

In Bosa su sìndigu Piero Franco Casula at ordinadu sa suspensione de is fainas didàticas in presèntzia in is iscolas fintzas a su 14 de abrile. Firmada fintzas s’Iscola tzìvica de mùsica. Casula, in prus, at invitadu sotziedades e assòtzios isportivos a suspèndere is fainas a cumone, abetende chi is atletas fatzant su tampone.

Iscolas serradas fintzas in Crabas pro more de un’impestu intra de su personale de s’iscola.
A tres meses giustos giustos dae su sanamentu de s’ùrtimu positivu, Prammas no est prus sena de Covid-19. Eris su sìndigu Emanuele Cadoni at cunfirmadu s’impestu de unu residente, chi s’agatat in isulamentu de seguresa in domo sua.

Semper eris ant cunfirmadu tres impestos noos fintzas in Aristanis. A pustis de is impestos iscobertos in is dies passadas e de professores meda in corantena, sa dirigente de s’Istitutu cumprensivu 3 at apostivigadu sa DAD pro 12 classes de s’iscola mèdia “Deledda”. In su litzeu “De Castro” puru letziones in DAD fintzas a sàbadu.

Su Coronavirus, in prus, arribat a Mòdolo. Su sìndigu Omar Aly Kamel Hassan at fatu a ischire de un’impestu intra de is dipendentes comunales. Su positivu non tenet sa residèntzia in bidda. Su sìndigu at annuntziadu un’averiguadura cun is tampones lestros pro totu sa populatzione.

Mèrcuris, 7 de abrile de su 2021

L'articolo Su Gazetinu, 7 de abrile de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.