Su Gazetinu, 5 de maju de su 2021

Su Gazetinu

Crabas, tunda – A intro de su 15 de làmpadas at a funtzionare in Crabas sa tunda provisòria in su rugheri de is bias chi portant a mare. Su sìndigu de Crabas Andrea Abis at annuntziadu chi is traballos no ant a istentare a cumentzare pro pònnere in seguresa unu de is logos prus perigulosos de sa retza de is bias de sa provìntzia de Aristanis e in ue, prus che totu in s’istadiale, ddoe passat tràficu meda.

Telecàmeras – In Aristanis amegant giai de funtzionare is 31 telecàmeras noas chi ant cuncordadu. Is impiantos serbint pro afortigare su sistema de vìdeu-miramentu de su Comune, chi immoe interessat fintzas bighinados noos, comente a cussu de Santu Pàulu – Torangius.

Gherra a sa màfia – Sa viuda de Antonio Montinaro, cabu-iscorta de su giùighe Giovanni Falcone, fiat òspite de s’Istitutu cumprensivu de Abas. Cun is dischentes de is iscolas mèdias de Abas, Arruinas e Useddus at faeddadu de màfia e de comente si podet cumbàtere.

S’addòbiu in lìnia dd’at cuncordadu s’Istitutu cumprensivu a manos de pare cun s’assòtziu Quarto Savona 15.

Is dischentes ant fatu a sa viuda de Montinaro preguntas meda in contu de sa vida de su pobiddu, de sa vida de sa famìllia chi dd’est tocadu a torrare a fraigare a pustis de s’atentadu e de su raportu cosa sua cun is istitutziones.

Coro – Reconnoschimentu de importu pro su Coro Gospel Loving Star de Aristanis, chi at pigadu parte a su cuncursu corale russu prus nòdidu. In is dies passadas su Coro Maurizio Carta de Aristanis aiat bìnchidu in un’àtera setzione de sa pròpiu rassigna.

Mèrcuris, 5 de maju de su 2021

L'articolo Su Gazetinu, 5 de maju de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.