Su Gazetinu, 4 de freàrgiu de su 2021

Su Gazetinu

Coronavirus – In Sardigna s’est propassada sa làcana de milli mortos de coronavirus dae su cumentzu de sa pandemia. Eris semus arribados a 1001. Sunt istados 16, imbetzes, is impestos noos de coronavirus in provìntzia de Aristanis.

Abba – S’abba chi at ghetadu in is ùrtimos duos meses in provìntzia de Aristanis est istada bator bortas de prus de sa mèdia de is annos in antis. Dd’at fatu a ischire su tècnicu de Laore Marco Gerardi, faeddende de is datos de is tzentralinas de rilevamentu de Arpa Sardigna.

Coldiretti – Chentuchimbanta pacos cun gèneres alimentares sunt arribados a Aristanis e s’ant a partzire intra de famìllias in dificultade de totu sa Sardigna. Sa faina de bonucoro dd’at cuncordada Coldiretti.

Vatzinos – A is mèigos odontoiatras e a is voluntarios de su sucursu de sa provìntzia de Aristanis chi traballant in su servìtziu 118 non ddos ant ancoras vatzinados contras de sa Covid-19. Pro cussu si sunt pesadas chèscias e sunt mòvidos apellos dae parte de is rapresentantes issoro.

Addòbios de festa – Sa Sartìllia, s’Àrdia e sa Currera de is iscurtzos ddos ant cunfirmados in s’elencu de is addòbios de festa mannos de su connotu sardu. Su Consìgiu regionale eris at aprovadu una lege noa de riferimentu.

Aristanis, ordinàntzia contras de s’alcol – Nudda alcòlicos in is logos pùblicos dae custa coa de chida e pro Carrasegare in Aristanis. Dd’at apostivigadu un’ordinàntzia firmada dae su sìndigu Andrea Lutzu.

Giòbia, 4 de freàrgiu de su 2021

L'articolo Su Gazetinu, 4 de freàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.