Su Gazetinu, 31 de martzu de su 2021

Su Gazetinu

Eletziones – Pro more de s’emergèntzia de su Coronavirus, in provìntzia de Aristanis puru is eletziones prevìdidas in custu beranu sunt transidas. S’at a votare in sa simana intra de su 15 de cabudanni e su 15 de santugaine. Dd’at istabilèssidu un’emendamentu a sa lege de riforma de is entes locales aprovadu eris a merie dae su Consìgiu regionale.

Bosa, malàida morta – Unu de is 15 ricoverados in s’ispidale de Bosa e chi nd’aiat piscadu su Coronavirus est mortu. S’Assl de Aristanis, però, at naradu chi sa càusa prus de importu de sa morte non diat èssere sa Covid-19, ma un’àtera maladia.

Cabu Frasca – A pustis de Pasca Manna torrant a cumentzare is esertzitatziones militares aèreas in su polìgonu de Cabu Frasca. Dae martis 6 a chenàbura 30 de abrile ant apostivigadu is proibimentos in su tretu de mare interessadu.

Tzruàbara, torrant a abèrrere s’ostellu e sa pitzeria – A pustis de duos annos torrant a abèrrere s’ostellu e sa pitzeria de Tzruàbara, cun una gestione noa. Dd’at fatu a ischire su sìndigu de Marrùbiu, Andrea Santucciu.

Istoritu sarvadu – Is Vìgiles de su Fogu de Aristanis ant sarvadu unu storitu in su sartu de Narabuìa. Fiat abarradu arrèschidu in unu tralitzu de sa tensione arta. At tocadu a firmare sa currente pro unos cantos minutos, a manera de permìtere a is vìgiles de traballare in seguresa.

Mèrcuris, 31 de martzu de su 2021

L'articolo Su Gazetinu, 31 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.