Su Gazetinu, 27 de maju de su 2021

Su Gazetinu

Aristanis, tzìnema Ariston – Su tzìnema Ariston de Aristanis, serradu dae prus de un’annu pro more de s’emergèntzia de su Coronavirus, at a torrare a abèrrere a intro de su mese de làmpadas. Dd’at fatu a ischire s’Anec Sardigna, s’assòtziu de totu is tzinematogràficos sardos, chi at bogadu su calendàriu de is aberturas.

Portu industriale de Aristanis-Santa Justa: arribat su GNL – In su portu industriale de Aristanis ant inauguradu su primu depòsitu oru oru de mare de GNL in Sardigna. Ddoe capent 9000 metros cubos de gas e at a abèrrere a intro de sa metade de su mese de làmpadas. Su nastru in sa tzerimònia de inauguratzione dd’ant segadu su presidente de sa Regione, Christian Solinas, paris cun su vitze-ministru de s’Isvilupu econòmicu Alessandra Todde, cun su presidente di Higas, Roberto Madella, cun su presidente dell’AdSP del Mare di Sardegna, Massimo Deiana e cun s’assessora regionale de s’Indùstria, Anita Pili.

Crabas, Dies ecològicas – Torrant is Dies ecològicas cuncordadas dae su Comune de Crabas a manos de pare cun s’Àrea Marina Amparada Penìsula de su Sinis-Ìsula de Malu Entu. Sa prima Die si previdet pro sàbadu chi benit e interessat su tretu chi movet dae Is Arutas fintzas a Portu Suedda. Mèrcuris 2 de làmpadas at a tocare a Santu Giuanni, cun sa pulidura de totu sa biddighedda.

Sàbadu s’apuntamentu est a is tres de merie, in su Tzentru polivalente de bia de Tharros. Pro informos faghet a telefonare a su nùmeru 0783.391097.

Giòbia, 27 de maju de su 2021

L'articolo Su Gazetinu, 27 de maju de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.