Su Gazetinu, 24 de martzu de su 2021

Su Gazetinu

Fogu in s’Assl de Aristanis – Is vatzinos contras de sa Covid-19 ddos ant postos in logu seguru, a pustis de su fogu chi at fatu dannu in una cabina de s’Enel in sa sea de sa Assl de Aristanis e chi at fatu mancare sa currente in totu su fàbbricu de bia de Carducci. Is flacones de su vatzinu nche ddos ant tramudados a s’ispidale de Santu Martinu.

Trenigheddu birde – Su Trenigheddu birde chi passaiat fintzas peri Bosa e Làconi si firmat. A pustis de su primu biàgiu de sàbadu passadu, sa faina turìstica s’est torrada a firmare pro more de is impèigos ligados a sa zona in colore de arantzu pro s’emergèntzia coronavirus.

Mòguru, teatru – Sàbadu chi benit movet sa rassigna “Libertade de espressione”, proposta dae su Teatru Tragodia de Mòguru. Pro immoe s’ant a fàghere ispetàculos in streaming isceti.

Sèneghe, pro sa Die natzionale de s’isparànniu energèticu – In Sèneghe chenàbura ddoe at a àere sa de chimbe editziones de “Cantos e sonos a lughe de istiàrica”. At a èssere unu meritzeddu ambientale-musicale pro pigare parte a sa Die natzionale de s’isparànniu energèticu “M’illumino di meno”. S’apuntamentu at a èssere in streaming, cumentzende dae is 19.30 in sa pàgina Facebook de s’Assòtziu culturale Coro polifònicu “Ars Antiqua” de Sèneghe, chi at cuncordadu s’addòbiu.

Bosa, istollidores in s’istatale 129 bis – In Bosa si diant pòdere cuncordare istollidores o fintzas un’autovelox pro ismenguare sa velotzidade in su tretu urbanu de sa bia istatale 129 bis. Amegant de ddoe pensare s’Anas e su Comune.

Mèrcuris, 24 de martzu de su 2021

L'articolo Su Gazetinu, 24 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.