Su Gazetinu, 24 de freàrgiu de su 2021

Su Gazetinu

Aristanis, ispidale – Su sìndigu de Aristanis Andrea Lutzu at convocadu de urgèntzia su Comitadu de su Distretu sanitàriu, a pustis de s’allarme de su sindacadu de is mèigos Cimo in contu de sa serrada possìbile de s’ispidale pro more ca su personale sanitàriu est tropu pagu. S’addòbiu s’at a fàghere chenàbura a mangianu. Ddoe ant a pigare parte fintzas su cummissàriu de s’Ares Massimo Temussi e su diretore de s’Assl de Aristanis Antonio Francesco Cossu, chi diant dèpere dare rispostas e incarrerare fainas pro parare fronte a is problemas.

Vatzinos – In Sardigna, in su faghimentu de is vatzinos contras de sa Covid-19, s’ant a impreare fintzas is mèigos de famìllia e is infermieris. E immoe s’abetat de cumprèndere comente.

Campidanu de Terraba – Su Rotary de su Campidanu de Terraba at incarreradu una regorta de trastos sanitàrios impreados. Sa faina serbit pro agiudare a is persones in dificultade.

Aristanis, domos e camineras a suta de terra – Agabbat oe in Aristanis sa chirca fata cun trastos eletrònicos de domos e de camineras a suta de terra chi si diant pòdere agatare in su tzentru antigu de sa tzitade. Sa faina est de s’Istar e dd’at proposta s’assòtziu “Aristanis cuada”. Is resurtados de sa chirca s’ant a connòschere, forsis, su mese chi intrat. S’atentu de is chircadores, prus che totu, s’est firmadu a inghìriu de sa crèsia de Santa Crara. Dae custu traballu nde diant pòdere essire inditos de importu pro connòschere s’istòria de Aristanis.

Mèrcuris, 24 de freàrgiu de su 2021

L'articolo Su Gazetinu, 24 de freàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.