Su Gazetinu, 2 de martzu de su 2021

Su Gazetinu

Doddore Meloni – Su Tribunale de Casteddu at archiviadu su fascìculu de iscrucullu in contu de sa morte de s’indipendentista de Terraba Doddore Meloni, acontèssida in Casteddu a pustis de un’isciòperu de su fàmene longu. Sa famìllia e su legale suo, s’abogada Cristina Puddu, amegant de pensare a sa possibilidade de presentare ricursu a sa Corte de Giustìtzia Europea.

Aristanis, assòlvidu – A s’ex cumandante de sa Politzia locale de Aristanis, Rinaldo Dettori, dd’ant assòlvidu dae s’imputu de trumbuladura de dita. A Dettori dd’aiant protzessadu a pustis de un’iscrucullu in contu de unas cantas fruniduras pro su sistema de vìdeu-castiamentu.

Aristanis, cuestore nou – Su cuestore nou de Aristanis Giuseppe Giardina at pigadu s’incàrrigu. In sa presentada chi at fatu, at naradu de bòlere fàghere a miradore de una de is provìntzias prus sulenas de totu Itàlia.

Eritzones de mare – Setighentos eritzones de mare nde ddos at issucutados sa Guàrdia de Costera e nche ddos at torrados a ghetare a mare. Ddos at agatados in unu furgone chi at firmadu in sa bia de costera Bosa – S’Alighera. Ant postu fintzas una contraventzione de milli èuros.

Mèteu, torrat s’abba – In custa coa de chida torrat s’abba. Is previsiones de su tempus cunfirmant dies de sole fintzas a giòbia, a pustis ant a arribare is nues.

Martis, 2 de martzu de su 2021

L'articolo Su Gazetinu, 2 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.