Su Gazetinu, 19 de martzu de su 2021

Su Gazetinu

Vatzinos – S’agentzia europea pro is meighinas at dadu torra su permissu pro fàghere su vatzinu AstraZeneca. A intro de oe sa Assl de Aristanis at a comunicare is inditos pro torrare a cumentzare sa vatzinatzione, suspèndida lunis pro more de unos cantos acontèssidos de trombosi capitados in Germània.

A intro de s’agabbu de su mese, imbetzes, in Aristanis s’at a abèrrere su tzentru provintziale pro is vatzinos. Dd’ant a abèrrere in su palasport nou de Sa Rodia. Su permissu pro impreare su fàbbricu est lòmpidu eris a merie a pustis de unu subrallogu pro bìere si is locales isportivos fiant adatos o nono. Ddoe ant pigadu parte su sìndigu Andrea Lutzu, su cummissàriu de sa Assl Antonio Cossu, su diretore sanitàriu de s’Ats Sardigna Giorgio Carboni e su dirigente de s’Ats Sardigna Maurizio Marcias.

Cossu at naradu chi su palatzieddu de s’isport at a acasagiare deghe paradas pro is vatzinatziones. Intradas e essidas ant a èssere seberadas. In s’intrada ddoe ant a èssere ses postas pro s’atzetatzione e àteras ses pro s’anàmnesi. Si prevident fintzas duas postas pro is emergèntzias cun letos atretzados e defibrilladore.

In s’interis est arribadu fintzas s’acòrdiu intra de sa Regione e is mèigos de base in contu de s’impreu issoro in sa campagna de vatzinatzione contras de sa Covid-19. Segundu su documentu firmadu dae FIMMG e Smi, is mèigos podent fàghere is vatzinos in is tzentros de s’Ats, cando faghet in is istùdios issoro, in is locales postos a disponimentu dae is Comunes o dae s’Amparu tzivile e in domo de is tzitadinos etotu.

Chenàbura, 19 de martzu de su 2021

L'articolo Su Gazetinu, 19 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 

Leggi tutte le notizie del giorno in Sardegna

Leggi tutte le Offerte di Lavoro in Sardegna


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.