Su Gazetinu, 19 de freàrgiu de su 2021

Su Gazetinu

Limba biaita – Unos cantos impestos de Limba biaita me in su sud de sa Sardigna ant fatu mòvere su proibimentu de transire su bestiàmene fintzas in provìntzia de Aristanis. Pro is pastores sunt àteros istorbos e ispesas in prus.

Politzia, provedimentos de seguresa – Eris sa Politzia – cun su coordinamentu de sa Procura de sa Repùblica de Aristanis – at intimadu ùndighi provedimentos de seguresa in Bosa e in su Màrghine. At iscobertu unos cantos ricatos e is responsàbiles de unas cantas tretas malas de minetza. Nd’at issucutadu fintzas droga.

Cuestura – Sa cuestora de Aristanis Giusy Stellino lassat sa tzitade e andat a ghiare sa cuestura de Ravenna. In Aristanis dd’at a remplasare Giuseppe Giardina, chi immoe ghiat sa Polstrada Sardigna.

Santu Giuanni de Sinis – Sa praja de Santu Giuanni de Sinis dd’ant posta intra de is 10 “prajas segretas” in Europa, publicadas in sa rivista mensile newyorkesa “Travel + Leisure”. Sa rivista tenet unos 5 milliones de leghidores.

Marrùbiu, Su Marrulleri – Sa Covid-19 at firmadu fintzas s’isfilada de carrasegare de Su Marrulleri, chi si depiat fàghere domìnigu chi benit. In Marrùbiu, però, ant detzìdidu de pònnere in is pratzas e peri is bias unos cantos personàgios de paperibistu de is carros allegòricos de is annos passados.

Sartìllia, mustra – In Aristanis est aberta una mustra dedicada a is editziones betzas de sa Sartìllia chi si curriant in ocasione de addòbios particulares. Sa mustra dd’ant cuncordada in su museu Antiquarium arborensu.

Chenàbura, 19 de freàrgiu de su 2021

L'articolo Su Gazetinu, 19 de freàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.