Su Gazetinu, 16 de ghennàrgiu de su 2021

Su Gazetinu

Sa Sartìllia non si curret – Immoe est ufitziale: ocannu sa sartìllia non s’at a cùrrere pro more de su coronavirus. Dd’at istabilèssidu s’Istitutzione Sa Sartìllia de sa Fundatzione Aristanis. S’est chirchende, però, de sarvare a su mancus sa bestidura e sa beneditzione de su cumponidore.

Sardigna zona in colore grogu – Su Dpcm nou cun is règulas contras de su coronavirus at classificadu sa Sardigna comente a zona in colore grogu. Sunt cunfirmados su proibimentu de essire dae is deghe de note a is chimbe de mangianu e sa possibilidade de una vìsita isceti a sa die a domo de parentes e amigos, a intro de sa pròpia regione, dae parte de non prus de duas persones (chi podent èssere acumpangiadas dae minores de 14 annos o disàbiles). Intra de is novas prus de importu: s’abertura torra de is museos in is dies de fatu e su proibimentu de nche leare cosa de bufare, a pustis de is ses de merie, dae is tzilleris e àteras butegas sìmiles.

Coronavirus – In Aristanis si contat su de trèighi mortos pro more de su coronavirus. Dd’at fatu a ischire su Comune. In is ùrtimas 24 oras in tzitade fintzas àteros sete impestos noos e àteras tres classes in cuarantena. In s’interis, oe sunt serradas is iscolas de Norghiddo pro more de sa positividade de un’operadore.

In Milis e in Tramatza problemas cun s’abba – In Milis e in Tramatza, dae prus de unu mese, a is utentes s’abba si dda frunint is autobotes, pro ite ca cussa chi essit dae su grifone est trula pro more de is temporadas malas de custa ùrtima simana. Is Comunes e Abbanoa sunt chirchende una solutzione pro su problema grave.

Sàbadu, 16 de ghennàrgiu de su 2021

L'articolo Su Gazetinu, 16 de ghennàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.