Chenàbura, 11 de làmpadas de su 2021

Su Gazetinu

Simaghis, muntonàrgiu – Is agentes de su Corpus Forestale e de Vigilàntzia Ambientale, a tenore de unu disponimentu de sa Procura de sa Repùblica de Aristanis, nd’ant issucutadu unu muntonàrgiu abusivu formadu dae àliga perigulosa iscobertu in sartu de Simaghis. S’àliga ispetziale dd’ant agatada in unos cantos tretos de un’àrea in ue in tempus passadu si produsiat asfaltu e chi dae pagu tempus dd’ant comporada in un’asta de fallimentu. Immoe amegant de si fàghere is iscrucullos pro iscobèrrere a is responsàbiles de sa faina.

Cùglieri, madrinedda de cherbu sarvada – Lassada dae sa mamma pro ite ca una forma grave de artrite non ddi permitiat de dda sighire, is òmines de su Corpus Forestale ant sarvadu una madrinedda de cherbu agatada in is montes de Cùglieri. S’animaledda nche dd’ant portada a sa clìnica veterinària “Due Mari” de Aristanis, in ue is dotores amegant de si nde incurare.

Sa Roca Tunda, agatadu un’ispìnnigu de cherbu – Nde dd’ant batidu a terra is undas de su mare. S’ispìnnigu de unu cherbu dd’ant sinnaladu in sa praja de Sa Roca Tunda, in antis de arribare a Su Crastu Biancu. Is barratzellos de su Comune de Santeru, paris cun is carabineris e cun su veterinàriu de s’Assl, si nde sunt incurados de nche ddu pigare. Dd’at fatu a ischire su sìndigu, Luigi Tedeschi, chi s’est chesciadu pro is disponimentos chi apostìvigant chi siant is Comunes a dèpere litzire su logu dae animales mortos.

Antoni Nàtziu Garau
—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

L'articolo Su Gazetinu, 11 de làmpadas de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.