Su Gazetinu, 11 de abrile de su 2021

Su Gazetinu

Coronavirus, averiguaduras prus crispas – Intrende torra in zona ruja is fortzas de s’òrdine de su territòriu de sa provìntzia de Aristanis ant a fàghere prus averiguaduras. Dd’at istabilèssidu su Comitadu pro s’òrdine pùblicu chi at fatu un’addòbiu in Prefetura. Averiguaduras prus a fine s’ant a fàghere in su tzentru de sa tzitade, in is costeras e me in is novenàrios, a prus de is bias extraurbanas prus de importu. Si at a serbire, at a intervènnere fintzas su Repartu mòbile.

Aristanis, tzilleri in contraventzione – Sa Politzia at postu una contraventzione a unu gestore de unu tzilleri e a ses clientes chi fiant bufende a intro de su locale: ant a dèpere pagare 400 èuros. In prus, su locale at a abarrare serradu pro chimbe dies. Is contraventziones dd’as ant postas ca no ant respetadu is normas contras de sa Covid-19: su tzilleri podiat traballare isceti bendende is prodùsidos pro nche ddos leare a foras.

Paulle in zona ruja – Dae sa una de eris sa bidda de Paulle est in zona ruja, antitzipende su provedimentu chi at a mòvere pro totu sa Sardigna dae cras. Dd’at apostivigadu su sìndigu Domenico Gallus, pro more de s’isparghidura de is impestos de Coronavirus. Su sìndigu at istabilèssidu chi sa serrada at a durare pro totu su mese.

Aristanis, Informatzitade serradu – S’Informatzitade de Aristanis dd’ant serradu pro more de un’impestu de Coronavirus. Eris si sunt contados ses positivos noos in tzitade.
Làconi, iscola noa – Làconi domandat de abèrrere unu cursu de istrutzione superiore nou pro preparare tècnicos agràrios e forestales. Sa voluntade de s’Amministratzione comunale punnat a irrichire is oportunidades de isvilupu de su territòriu.

Sèneghe, giòvanos – In Sèneghe is giòvanos sunt protagonistas gràtzias a su Pranu de co-progetatzione chi at chertu s’Amministratzione comunale. Chenàbura s’est fatu su primu de chimbe addòbios de su progetu Arco, chi interessat fintzas comunes de àteras bator regiones. Ddoe ant pigadu parte unos binti giòvanos intra de 18 e 30 annos, is rapresentantes de is assòtzios interculturales Nur e Sardarch, ma fintzas unos cantos referentes de is comunes de sa zona. Ddoe fiant in prus sa cummissària de su Comune de Sèneghe, Graziella Madau, e sa responsàbile comunale de s’ufìtziu pro is Servìtzios a sa persone, Maria Giovanna Caddeo.
Si previdet unu percursu de co-progetatzione chi ddi narant “Cara a unu Pranu pro is polìticas giovaniles de Sèneghe”.

Aristanis, presidente de s’Avis – A Pierfrancesco Simbula dd’ant cunfirmadu in sa ghia de s’Avis comunale de Aristanis. Cunfirma fintzas pro Franco Tola, vitze-presidente remplasadore. Federico Sedda, imbetzes, est su segretàriu. Is nòminas ddas ant fatas e aprovadas a pustis de is eletziones de s’agabbu de su mese de martzu.

Domìnigu, 11 de abrile de su 2021

L'articolo Su Gazetinu, 11 de abrile de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. *La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per informazioni e segnalazioni scrivi al nostro indirizzo e-mail Questo indirizzo email è protetto dagli spambots. È necessario abilitare JavaScript per vederlo.