Su Gazetinu

Su Gazetinu,10 de martzu de su 2021

Vatzinos  – Cumentzant oe in Aristanis is vatzinatziones contras de su coronavirus pro is chi tenent 80 annos o prus. Ant a sighire fintzas cras. Eris si sunt fatas is primas vatzinatziones in Milis. Oe si faghent in Bauladu, cras fintzas in Tramatza e in Arborea, chenàbura in Tzeddiani e sàbadu in Santeru. In Terraba su Comune at fatu a ischire chi ant a passare domo cun domo is voluntàrios de sa Livas pro regòllere is adesiones de is chi tenent otanta annos o prus.

Villeta isciusciada – Eris nd’ant isciusciadu una villeta abusiva in sa costera de s’Arena Scoada, in sartu de Santeru. Sa faina naschet dae una sentèntzia definitiva a càrrigu de su mere, chi no aiat dadu aplicu a s’òrdine de isciusciadura.

Mèigu – S’Assl 5 at abertu sa chirca de unu mèigu de base pro sa zona n. 1.4 de su distretu de Aristanis, chi nde faghent parte is comunes de Àllai, Ollasta, Samugheo, Siamaiore, Siamanna, Siapicia, Simaghis, Sabarussa, Biddanoa Truschedu, Biddobrana e Zrofolliu. Si previdet un’incàrrigu provisòriu de assistèntzia primària dae su 1 de abrile e pro una simana de tempus de 12 meses (e, comente si siat, fintzas a cando ant a numenare a su mèigu titulare).

Cùglieri, panada – Sa panada de Cùglieri dd’ant posta in s’Elencu natzionale de is prodùsidos de su connotu. Su reconnoschimentu de su Ministeru dd’ant assignadu cunforma a sa domanda de sa sienda “Le dolci note” de Sonia Angotzi, chi at traballadu a manos de pare cun s’assòtziu “Sa Mata”, s’àrbore de is ideas e cun s’Agentzia regionale Laore Sardigna.

Mèrcuris, 10 de martzu de su 2021

L'articolo Su Gazetinu,10 de martzu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.