Su Gazetinu, 10 de freàrgiu de su 2021

Su Gazetinu

Allerta – Torrat a pròere e movet un’allerta mèteu noa. S’Amparu Tzivile Regionale at bogadu un’avisu de crititzidade groga pro arriscu idràulicu e idrogeològicu chi balet fintzas a mesunote de oe. Is zonas interessadas de s’allerta sunt su de Igrèsias, su Campidanu, Montibèciu/Pischinàpiu, Tirsu e Logudoro.

Arborea – Una colunna de bentu a molinadura s’àtera note at ingendradu dannos a fàbbricos e a màchinas. Sa sìndiga Manuela Pintus at annuntziadu s’istadu de destrossa.

Mèigos e vatzinos – Is mèigos chi non si vatzinant contras de sa Covid-19 arriscant sa suspensione e, comente si siat, non podent traballare a intro de ambulatòrios e ispidales. S’òrdine de is mèigos de sa provìntzia de Aristanis est pro su respetu firmu de is règulas e intervenit cun su presidente Antonio Sulis. In s’interis sa Assl est faghende mòvere sa vatzinatzione de is dentistas, a pustis chi is mèigos de sa categoria aiant apretadu sa Assl.

Santa Crara, ponte – Su ponte de Santa Crara chi dd’aiant serradu a su tràficu in su mese de santugaine pro problemas in sa carregiada dd’ant torradu a abèrrere in parte. Sa Provìntzia amegat de ddoe fàghere traballos de acontzu.

Mòguru – In Mòguru at abertu una comunidade integrada pro antzianos. At a pòdere acasagiare fintzas a 30 òspites.

Mèrcuris, 10 de freàrgiu de su 2021

L'articolo Su Gazetinu, 10 de freàrgiu de su 2021 sembra essere il primo su LinkOristano.it.

Fonte: Link Oristano

- SARDA NEWS -

LEGGI TUTTE LE NOTIZIE DI OGGI
 


Sarda News non rappresenta una testata giornalistica in quanto viene aggiornato senza alcuna periodicità nei suoi contenuti originali. La responsabilità del contenuto degli articoli importati dai feed rss è totalmente a carico della reale fonte dell'informazione indicata al termine di ogni notizia.
Sardanews.it - portale web informativo, non gode di finanziamenti pubblici, non chiede registrazioni personali agli utenti, totalmente gratuito, autofinanziato e sostenuto dai banner pubblicitari che compaiono tra le notizie. Se vuoi sostenerci ti ringraziamo per la fiducia e ti invitiamo a disabilitare eventuali adblock attivi sul tuo browser. Per info e segnalazioni scrivi a Questo indirizzo email è protetto dagli spambots. È necessario abilitare JavaScript per vederlo.